ကရင်လူမျိုး၏ မူလဇာစ်မြစ် (၁)
သုတေသနစာတမ်း
စောဖော (ရန်ကုန်တက္ကသိုလ်)

နိဒါန်း

ကမ္ဘာပေါ်တွင် လူမျိုးတိုင်း၏ မူလဇာစ်မြစ်တိုင်းသည် ၀တ္ထုဆန်ဆန်၊ စိတ်ကူးယဉ် ဆန်ဆန်သာ ဖြစ်ကြပြီး မည်သူမျှ အတိအကျ ဖော်ပြခြင်း မပြုနိုင်ကြပေ။
ဥပမာအားဖြင့် ဂျပန်လူမျိုးတို့သည် မိမိတို့ ဘုရင်ကို “နေနတ်” မှ ဆင်းသက်လာသည်ဟု ယုံကြည်ကြပြီး မိမိတို့ လူမျိုးကိုလည်း “နေနတ်အနွယ်” များဟု ယူဆ ကြသည်။
ထိုနည်းတူ ကရင်လူမျိုးများ၏ မူလဇာစ်မြစ်နှင့် ပတ်သက် ၍ အမျိုးမျိုး ယူဆ ပြောဆိုကြပေသည်။ အချို့က ကရင်လူမျိုးများသည် တိဘက် လူမျိုး ဖြစ်သည်ဟု ဆိုကြသည်။ အချို့က ကရင်လူမျိုးများသည် တရုတ်ပြည် အနောက်မြောက်ပိုင်းမှ ဆင်းသက်လာကြ သော လူမျိုးတမျိုး ဖြစ်သည်ဟု ဆို၏။ အချို့ကလည်း ကရင်လူမျိုးသည် ယနေ့ မြန်မာနိုင်ငံဟု ခေါ်သော ဤနိုင်ငံ၏ မူလ တိုင်းရင်းသား (aborgine) ဟု ဆိုကြ၏။ (Judson of Burma, by professor B.R. Pearn, page 79)။

တဖန် အချို့ကလည်း ကရင်လူမျိုးများသည် ဆီးမိုက် မျိုးနွယ်ကြီးမှ ဟီဘရူးခေါ် ဟေဗြဲ အနွယ်ဝင် ၁၂ မျိုးထဲမှ ပျောက်ဆုံးသွားသော လေ၀ိ အနွယ်ဖြစ်သည်ဟု အထောက်အထားနှင့် အခိုင်အမာ ဆိုကြသည်။ မည်သို့ပင်ဖြစ်စေ ကရင်လူမျိုးများ၏ မူလဗီဇနှင့် မူလဇာစ်မြစ်ကို အရှိကို အရှိအတိုင်း ဖော်ထုတ်ရမည်မှာ သမိုင်းပေး တာဝန် တရပ်သာ ဖြစ်ပေသည်။
ကရင်ဟူသော အမည်
ကရင်ဟူသော အမည်ကို အမျိုးမျိုး ယူဆ ပြောဆိုကြသည်။ အများအားဖြင့် သိရသည်မှာ အမည်တခုကို ခေါ်တွင်ရာ၌ အကြောင်းတခုခုကို အစွဲပြု၍ ခေါ်လေ့ရှိကြသည်ကို တွေ့ရှိရသည်။
ဥပမာအားဖြင့် ဆူးမား (Sumer) လွင်ပြင်တွင် အခြေချ နေထိုင်သည့် လူမျိုးများကို ဆူမားရီးယန်း ဟု ခေါ်ကြသည်။ အက္ကမြို့ကို ထူထောင်ကြသော လူမျိုးကို အကားဒီးယန်း ဟု ခေါ်ကြသည်။ အမေရိကတိုက်တွင် နေထိုင်ကြသော လူမျိုးကို အမေရိကန် ဟု ခေါ်ကြသည်။

ဆက်ဖတ်ရန်...

ထိုနည်းတူစွာ ကရင်လူမျိုးများသည်လည်း မိမိတို့နှင့် သက်ဆိုင်သည့် ထူးခြားသော အကြောင်းအရာ တခုခုအပေါ် မူတည်၍ ခေါ်တွင်သည်လားဟု ယူဆစရာ ရှိပါသည်။ ယခင်က ရေးသားခဲ့သော ကရင်၏ မူလဇာစ်မြစ် ပထမပိုင်းတွင် မွန်ဂိုလူမျိုးများ အစောဆုံး အခြေချ နေထိုင်သည်ဟူ၍ သမိုင်းသုတေသီများ သိရှိလာသည့် မက်ဆိုပိုတေးမီးယား ဒေသမှ ပါရှန် ပင်လယ်ကွေ့ထဲသို့ စီးဝင်သော “ကရန်မြစ်”ကို အစွဲပြုခေါ်ခြင်း ဖြစ်နိုင်စရာ အကြောင်းရှိကြောင်း ထင်မြင်ယူဆချက်ကို တင်ပြခဲ့ပါသည်။
ကမ္ဘာ့သမိုင်းတွင် ဟစ်ဆော့ ခေါ် လူမျိုးတမျိုးသည် ၎င်းတို့ကိုယ်ကို ဟစ်ဆော့ဟု ခေါ်ကြခြင်း မဟုတ်ဘဲ အီဂျစ်လူမျိုးများက ၎င်းတို့အား ခေါ်သော အမည်ဖြစ်သည်။ အီဂျစ်ဘာသာစကားဖြင့် ဟစ်ဆော့၏ အဓိပ္ပါယ်မှာ နိုင်ငံခြားသား အုပ်ချုပ်သူများ ဟု အဓိပ္ပါယ် ရသည်။ အီဂျစ်လူမျိုးများက ထိုသို့ ခေါ်ရခြင်းမှာ ဟစ်ဆော့တို့သည် ၎င်းတို့ အီဂျစ်ပြည်ကို နှစ်အတန်ကြာ လာရောက် အုပ်ချုပ်သော နိုင်ငံခြားသားများ ဖြစ်သောကြောင့်ပင်တည်း။
ကာလကတ္တား တက္ကသိုလ်တွင် ပညာသင်ကြားခဲ့သော သိက္ခာတော်ရ ဆရာကြီး မန်းဘရင်က ၎င်း၏ လေ့လာသိရှိမှုကို ကျနော့်အား ပြောပြရာတွင် ရှေးတရုတ်များသည် ကရင်လူမျိုးကို “ခဲ့ရင်” ဟု ခေါ်ကြသည်။ “ဧည့်သည်” များဟူ၍ အဓိပ္ပါယ် ရသည်ဟု ဆိုသည်။ ထိုအဆိုသည်လည်း ဖြစ်နိုင်ပေသည်။ အဘယ်ကြောင့်ဆိုသော် ကရင်လူမျိုးများသည် အခြားသော အရပ်ဒေသ တခုခုမှ တရုတ်ပြည် အနောက်ဘက် နယ်စပ်သို့ ရောက်ရှိလာသဖြင့် ဧည့်သည်များ ဖြစ်နေခြင်းကြောင့် ဖြစ်သည်။ ဟစ်ဆော့ အမည် ပေါ်လာပုံနှင့်လည်း ဆင်တူနေပါသည်။ မာကိုပိုလို၏ မှတ်တမ်းတွင် ကရင်လူမျိုးကို “ကရယင်” “ကရယင်နယ်” ဟု ဖော်ပြထားပါသည်။
မည်သို့ပင်ဖြစ်စေ ကရင်၏ အမည် စတင်၍ ခေါ်တွင်လာပုံကို ခရေစေ့တွင်းကျ တိတိကျကျ မဖော်ထုတ်နိုင်သော်လည်း ကရင် ဟူသော အမည်ကိုကား ကမ္ဘာ့သမိုင်းတွင် မှတ်တမ်းတင်ထားသည်ကို လေ့လာ တွေ့ရှိရပေသည်။
တဖန် မြန်မာနိုင်ငံ၌ ကရင်ကို စကောကရင်၊ ပိုးကရင်၊ မြန်မာကရင်၊ တလိုင်းကရင်၊ ကော်သူးလေ ဟူ၍ ခေါ်နေပါသဖြင့် အချို့ မသိသောသူများ အနေဖြင့် နားလည်ရန် ခက်ခဲရတော့သည်။ ကရင်လူမျိုးတွင် ဖခင်အနွယ်၊ မိခင်အနွယ် ဟူ၍ နှစ်နွယ်ရှိသည်။ ယင်းကဲ့သို့ အနွယ်များ ကွဲရသည်ကိုမူ ပြောရန် ခက်ခဲပါသည်။ ဒဏ္ဍာရီ အဆိုအရ ရှေးယခင်က ဖခင်နှင့် မိခင် နှစ်ဦး ရှိခဲ့ရာ အကြောင်း တစုံတရာကြောင့် မသင့်မြတ်ကြရာမှ ဖခင်နှင့် မိခင် ကွဲသွားရာ ဖခင်နောက် လိုက်သွားသော သားသမီးများသည် ဖခင်အနွယ် ဖြစ်သွားပြီး မိခင်နောက် လိုက်သွားသော သားသမီးများသည် မိခင်အနွယ် ဖြစ်သွားကြသည်ဟု ပြောဆိုလေ့ ရှိကြပါသည်။ ယနေ့ ကရင်များသည် ဖခင်အနွယ်ဝင် ကရင်ဖြစ်စေ၊ မိခင်အနွယ်ဝင် ကရင်ဖြစ်စေ ကရင်လူမျိုး အချင်းချင်း ချစ်ချစ်ခင်ခင် ရှိကြပါသည်။ ပို၍ သိလာလေ ပို၍ပင် ချစ်လာကြသည်ဟု ယူဆရပါသည်။
ဖခင်အနွယ်ဝင် ကရင်ကို စဝှော် ဟု ခေါ်သည်။ စာလုံး ၂ လုံးကို တလုံးတည်း အသံထွက် ပုံစံဖြင့် ပူး၍ ထွက်သည်။ မပီသူများ၊ မခေါ်တတ်သူများက စကော ဟု ခေါ်ကြသည်။ ဒါကိုပင် ပျူနိုင်ငံ သရေခေတ္တရာ ပျက်စဉ်က စကော တချပ် လေတိုက်၍ လွင့်လာသည်ကို စကောတပ်ကြီး ချီတက်လာပြီဟု ယူဆကာ တိုင်းသူပြည်သားများ လန့်ပြေးရာမှ သရေခေတ္တရာ ပျက်စီးရသည်ဟု မှတ်သားရဘူးပါသည်။ ဤ စကောတပ်ကြီး ဟု သမိုင်းတွင် ဖော်ပြမှုသည်ပင် သရေခေတ္တရာ ခေတ်ကတည်းက ဤဒေသများတွင် စကောကရင် ရှိနေပြီဟု သွယ်ဝိုက်၍ ထောက်ခံပြီးသား ဖြစ်နေပေသည်။
မိခင်အနွယ်ဝင် ကရင်များကို ပ၀ိုး ဟု ခေါ်သည်။ စဝေါ် ကဲ့သို့ပင် စာလုံး ၂ လုံးကို တလုံးတည်း တွဲခေါ်ပါသည်။ မခေါ်တတ်သူများက ပိုး ဟု ခေါ်ကြသည်။ မြန်မာကရင်ဟူသော အခေါ်မှာ မြန်မာများနှင့် ပိုမိုနီးကပ်စွာ နေထိုင်ခဲ့သည့် ကရင်များကို ခေါ်ခြင်းဖြစ်ပြီး တလိုင်းကရင်ဆိုသည်မှာ တလိုင်းလူမျိုးများနှင့် ပိုမိုနီးကပ်စွာ နေထိုင်သော ကရင်လူမျိုးများကို ခေါ်ခြင်းဖြစ်သည်။
ကော်သူးလေ ဟူသော အခေါ်မှာ ကရင်လူမျိုးများက မိမိတို့ နေထိုင်ရာ နိုင်ငံကို အလွန်ချစ်မြတ်နိုးစွာဖြင့် ခေါ်သော အမည်ဖြစ်သည်။ ကော် ၏ အဓိပ္ပါယ်မှာ နိုင်ငံ၊ ဒေသ၊ အရပ် ဖြစ်ပြီး သူး မှာ အမဲ (မဖြူစင်ခြင်း) ဖြစ်သည်။ လေး မှာ မရှိ (ကင်းစင်ခြင်း) ဟု အဓိပ္ပါယ် ရသည်။ သို့ဖြစ်၍ ကော်သူးလေ ဆိုလိုရင်း အဓိပ္ပါယ်မှာ ဖြူစင်သန့်ရှင်းပြီး အပြစ်ဆိုစရာ မရှိသော ကရင်အမျိုးသား နိုင်ငံ ဟူ၍ ဖြစ်ပါသည်။ အချို့ကလည်း ပန်းများ ဝေဆာ ပွင့်ဖူးသော နိုင်ငံ (Flowering country) ဟု ခေါ်ကြသည်။
အဓိကအားဖြင့် ကရင်တွင် မိခင်အနွယ် ပ၀ိုးကရင်နှင့် ဖခင်အနွယ် စဝှော်ကရင် ဟူ၍ရှိရာ အခြားသော ကရင်မျိုးနွယ်များသည် မိခင် ဖခင် အနွယ် နှစ်ခုမှ ဆင်းသက်လာကြခြင်း ဖြစ်ကြောင်း လေ့လာ မှတ်သားရပေသည်။ ဥပမာ ပအိုဝ့် သည် ပ၀ိုးကရင် မိခင်နွယ်ဝင် ဖြစ်ပြီး ကယား၊ ကယ်ခို၊ ကယ်ဘား၊ ယင်းဖြူ၊ ယင်းနက်၊ ယင်းကြား၊ ကရင်ဖြူ၊ ကရင်နီ တို့သည် ဖခင်နွယ်ဝင် စကောကရင်များ ဖြစ်ကြသည်။
(Grandfather Longlegs by Ian Morrison, page 16, the Red Karen (So called from their red tunis) the Korenbyus or striped Karens, and the Taungthus of the southern Shan States, The Padaung, … are a small Karen Tribe.)
တဖန် အခြားသော ကရင်အမည်များလည်း ရှိပါသေးသည်။ မြောင် (မျို)၊ ယောင်၊ လားဟူ (မူဆိုး)၊ အခါ (ကော်)၊ နှင့် လီစူး (လီရှော) ဟူ၍လည်း ခေါ်ကြပေသေးသည်။
(People of the Golden Triangle by Paul and Elaine Lewis, published in Great Britain by Thames and Hudson Ltd. 1984, page 7, column 1, Karen, Hmong, Mien (Yao)
Lahu, Akha, and Lisu (page 7, line 13, column 1)
Even so, the members of each tribe have an ethnic – consciosness which leads them to recognize one another as belonging to the same ethnic group.)
တဖန် မွန်လူမျိုးသည်လည်း မိခင်အနွယ်ဝင်ဟု နာမည်ကျော် သမိုင်းသုတေသီ သီအိုဒိုစတင်း က ရေးသား ဖော်ပြထားသည်ကို တွေ့ရသည်။
(Pwo Karen by James W. Hamilton, published in 1976, by West Publishing Co. “Foreward” page VII, 34th line. The other major branch, the Pwo – Baker’s Peguan (i.e., Mon) Karen many of whom, as Buddhists, … )
ဤ ဖော်ပြမှုသည် ကျွန်ုပ်အနေဖြင့် မငြင်းလိုပေ။ အဘယ်ကြောင့်ဆိုသော် မွန်သည် မိုဟူသော စကောကရင်အခေါ် မိုးဟူသော ပိုးကရင်အခေါ်နှင့် အလွန်တူပြီး အဓိပ္ပါယ်မှာ အမေ မိခင် ဖြစ်ပါသည်။ ၎င်းပြင် မွန်လူမျိုးသည် စကောကရင်၊ ပိုးကရင်တို့နှင့် အတူနေထိုင်ကြသည်ကို သမိုင်းတလျှောက် တွေ့ရသည်။ တလိုင်း (Talaing) ဟူသော အမည်မှာ အိန္ဒိယ တောင်ပိုင်း၊ ယခု မဒရပ်စ်နယ် အနောက်ရှိ ရှေးအခေါ် တလင်္ဂန နယ်မှ လာသော အိန္ဒိယ တောင်ပိုင်းသားများကို ခေါ်သော အမည် ဖြစ်သည်။ မွန်လူမျိုး အမည် မဟုတ်ပါ။
ထို့ပြင် မြန်မာနိုင်ငံမှ ရှမ်းလူမျိုးများနှင့် ထိုင်းနိုင်ငံမှ ထိုင်းလူမျိုးများက ကရင်လူမျိုးများကို ယန်း (Yang) ဟု ခေါ်ကြသည်။ ယန်းလျှံ (ကရင်နီ)၊ ယန်းဖုတ် (ကရင်ဖြူ)၊ ယန်းလိုင်း (ကရင်ကြား) စသဖြင့် ၀တ်စားဆင်ယင်သော အ၀တ်အစားများအပေါ် မူတည်ပြီး အမည်အမျိုးမျိုး ခေါ်တွင်ကြပါသည်။ အမှန်အားဖြင့် လူမျိုးတမျိုးကို လေ့လာပါက ၎င်းမျိုးနွယ်ကြီး (Race) နှင့် ၎င်းမျိုးနွယ်ကြီးမှ ရေမြေ တောတောင် လျှိုမြောင်များ ခွဲခြားထားမှုကြောင့် ပေါ်ပေါက်လာသော မျိုးနွယ်ခွဲ (Clans) များကို ခွဲခြား လေ့လာပါက ပို၍ ပေါ်လွင်မည် ဖြစ်ပါသည်။
ကရင်မျိုးနွယ် အကြောင်းကို အသားဝါအနွယ် မွန်ဂိုလွိုက် (Mongoloid) အကြောင်းနှင့် ဆက်စပ်၍ အောက်ပါအတိုင်း လေ့လာနိုင်ပေသည်။

ကရင်အမျိုးသားနှစ်သစ်ကူးပွဲတော် ကျင်းပရေး ဗဟိုကော်မတီ (မဟာရန်ကုန်) ၏ နံရံကပ်စာစောင်တွင် ဖော်ပြထားသည့် သုတေသန စာတမ်းတခုကို ပြန်လည် ဖော်ပြခြင်း ဖြစ်ပါသည်။

ဆက်လက်ဖော်ပြပါမည်။

မူရင်း။ ။ ဇွဲကပင် ၀က်ဆိုက်မှ ပြန်လည်ဖော်ပြပါသည်။

လူမျိုးအသီးသီးတို့သည် ရှေးပဝေသဏီကပင် မိမိတို့ဆိုင်ရာ လူမျိုးအလိုက် ရေကြည်ရာမြက်နုရာ ဆိုသလို အဆင့်ဆင့် ဆင်းသက်နေထိုင်ခဲ့ကြသည်။ မိမိတို့ ခုနှစ်သက္ကရာဇ် သေသေချာချာ မရှိသေးချိန်တွင် တောတောင်သဘာဝ၊ ရေမြေရာသီဥတု၊ သစ်ပင် ပန်းမန်၊ နေလ၊ နက္ခတ်တို့ကို လေ့လာမှတ်သား၍ အချိန်ကာလ အပိုင်းအခြားတို့ ခွဲပြားသိမြင်ကြသည်။
ကရင်လူမျိုးတို့သည်လည်း အချိန်အကန့်အသတ်ကို ကြည့်ပြီး တစ်ရက်၊ တစ်လ၊ တစ်နှစ်ဟု သတ်မှတ်ကာ အမည်နာမပေးကြပါသည်။ မိမိတို့၏ ပထမလကို စကောကရင်ဖြင့် "သလေ"၊ ပိုးကရင်ဖြင့် "ထိုင်ခေါက်ဖိုး" ဟု ခေါ်ကြပါသည်။ ထိုသို့ တစ်နှစ်ဆန်းလျှင် မိမိတို့ ဓလေ့ထုံးစံအရ ပျော်ပွဲ ရွှင်ပွဲများကျင်းပခြင်း၊ ယစ်နတ်ပူဇော်ခြင်း၊ လူကြီးသူမများအား ကန်တော့ခြင်း များကို ပြုလုပ်ကြပါသည်။


-နှစ်သစ်ကူးနေ့ရောက်လာပြီ
ရေချိုးခေါင်းလျှော် စိတ်သန့်စင်
လူကြီးသူမ ကန်တော့ကြ
ဆုံးမပဲ့ပြင် နာခံမှတ်။
ကရင်လူမျိုးများသည် သလေ လ(ထိုင်ခေါက်ဖိုး)ကို ပထမလအဖြစ် သတ်မှန်၍ လဆန်းတစ်ရက် နေ့ကို နှစ်သစ်ကူးနေ့အဖြစ် သတ်မှန်ခဲ့ကြသည်။ သလေး ထိုင်ခေါက်ဖိုးလသည် မြန်မာလအားဖြင့် ပြာသိုလဖြစ်၍ ပြာသိုလဆန်းတစ်ရက်နေ့သည် ကရင်နှစ်သစ်ကူးနေ့ဖြစ်ပါသည်။ သို့သော်လည်း ရှေးအခါက နေ့ရက်ကို ကရင်နှစ်သစ်ကူးနေ့ အဖြစ် မြေပြန့်ဒေသ ကရင်အချို့နှင့် တောင်ပေါ်ကရင် အချို့တို့သည် နှစ်ပေါင်းများစွာကတည်းက ကျင်းပခဲ့ကြပါသည်။

သို့ရာတွင် ခရစ်ယာန်ကရင် ဘာသာဝင်များသည် အပြည်ပြည်ဆိုင်ရာ နှစ်သစ်ကူးနေ့ဖြစ်သော ဇန်န၀ါရီလ တစ်ရက်နေ့ကို ကျင်းပသည့်နည်းတူ ဗုဒ္ဓဘာသာကရင်များသည်လည်း တန်ခူးလ (သင်္ကြန်)အပြီး နှစ်ဆန်းတစ်ရက်နေ့ကို ကျင်းပကြပါသည်။ ထို့အပြင် ကရင်လူမျိုး ဖိုးပိုက်ဆံဘာသာဝင်များသည် တပို့တွဲလဆန်း(၄)ရက်နေ့ကို၎င်း၊ ရသေ့ ဗုဒ္ဓဘာသာဝင် ကရင်များကလည်း တပေါင်းလပြည့်ကျော် (၁)ရက် နေ့ကို၎င်း၊ အသီးသီး ကရင်နှစ်သစ်ကူးနေ့ကို တကွဲတပြားဆီ ကျင်းပကြသည်။
ထိုသို့ နှစ်သစ်ကူးနေ့ကို အကွဲကွဲအပြားပြား ကျင်းပကြသောကြောင့် စိတ်ဝမ်းကွဲမှုများလည်း ရှိနေကြပါသည်။ ကရင်အမျိုးသားခေါင်းဆောင်ကြီးများ ဖြစ်ကြတဲ့ ဒေါက်တာ တီသံပြာ၊ ဦးလူနီ၊ ဒေါက်တာ မြတ်စံ၊ ဦးစံလုံးနှင့် အခြားသော ကရင်အမျိုးသားခေါင်းဆောင်ကြီးများ ပါဝင်သော" ဒေါကလု" ခေါ် ကရင်အမျိုးသားအသင်းကြီး Karen National Association (KNA) အသင်းကြီးကို (၁၈၈၁)ခုနှစ်တွင် တည်ထောင်ခဲ့သည်။ ၄င်းအချိန်က မြန်မာနိုင်ငံတွင် မည်သည့်နိုင်ငံရေးအဖွဲ့အစည်းမှ မရှိသေးပေ။ ထိုအသင်းကြီးက ကရင်နှစ်သစ်ကူးနေ့ ကို တစ်နေ့တည်းကျင်းပလျှင် ပို၍သင့်လျော်ကြောင်းသိရှိသည်။ ထို့ကြောင့် အနယ်နယ်အရပ်ရပ်မှ ကရင်အမျိုးသားခေါင်းဆောင်များနှင့် အောက်လွှတ်တော်အမတ်များအား တွေ့ဆုံစေပြီး မည်သည့်နေ့ရက်တွင် ကရင်နှစ်သစ်ကူးနေ့ ကျင်းပရန်သင့်လျော်မည်ကို ရှေးအထောက်အထားများ အကြောင်းအရာများကို သေချာစွာ စုံစမ်းပြီး ဒေါကလု အသင်းကြီးအား ပြန်လည်အစီရင်ခံစေသည်။
ထို့ကြောင့် အနယ်နယ်အရပ်ရပ်က အစီရင်ခံစာများ ပေးပို့ကြသည်သာမက ဆရာယာနီ ဆိုသူက ကိုယ်တိုင်လာရောက်တွေ့ဆုံသည်။ ဆရာယာနီ သည် မြောင်းမြခရိုင် တကူးဆိပ်ရွာသားဖြစ်၍ ဖါပွန်တွင် ကျောင်းဆရအဖြစ် နှစ်ပေါင်းများစွာ အလုပ်လုပ်ခဲ့သူဖြစ်သည်။ ၄င်းနှင့်အတူ တောင်ပေါ်ကရင်ဒေသရှိ ကရင်အမျိုးသားများ အသုံးပြုသော ပျဉ်းပြားပြက္ခဒိန်ကို ယူဆောင်လာ၍တင်ပြသည်။ ထိုပျဉ်ပြားပြက္ခဒိန်တွင် တစ်နှစ်လျှင် ဆယ့်နှစ်လပါရှိ၍ ပထမလမှာ ပြာသိုလဖြစ်ကြောင်း သက်သေအထောက်အထားနှင့် တင်ပြလာပါသည်။ ထို့အတူ" ဒေါကလု "အသင်းကြီး၏ အထွေထွေအတွင်းရေးမှူး မန်းဘခင်မှာလည်း နှစ်ပေါင်း(၇၀)ကျော်က စတင်ထုတ်ဝေခဲ့သည့် ပိုးကရင်သင်ပုန်းကြီးနှင့် ဖတ်စာအုပ်ကို တင်ပြပါသည်။
အဆိုပါ စာအုပ်တွင် တစ်နှစ်လျှင် ဆယ့်နှစ်လပါရှိပြီး ပြာသိုလမှာ ပထမလဖြစ်ကြောင်း ဘိုးဘွားများလက်ထက်မှစ၍ ယနေ့တိုင်အောင် ကရင်နှစ်သစ်ကူးနေ့ကို ပြာသိုလဆန်း(၁)ရက်နေ့တွင် ကျင်းပကြောင်း တင်ပြသွားပါသည်။
ထို့ကြောင့်ပင် သမိုင်းဝင်နေ့တစ်နေ့ရှိရန် ကရင်နှစ်သစ်ကူးနေ့အဖြစ်တင်သွင်းရာတွင် ပထမဦးစွာ အောက်လွှတ်တော်မှ စတင်တင်သွင်းရမည်ဖြစ်၍ ကရင်အမတ် ဆယ့်ငါးဦး၏ ဒုတိယဥက္ကဋ္ဌဖြစ်သော စောဂျွန်ဆင်ဒီဖိုးမင်း သည် နေ့ရက်သတ်မှတ်ရေးအတွက် တာဝန်ယူရသည်။ ထို့ကြောင့် စောဂျွန်ဆင်ဒီဖိုးမင်းသည် တောင်ငူမြို့ရှိ ကရင်သက်ကြီးဝါရင့်သူတစ်ချို့နှင့် ဆွေးနွေးခဲ့ပြီး သရာမိုးလို (ကရင်အမျိုးသားအလံတော် ပုံစံတင်သွင်းရာတွင် ဒုတိယဆုရရှိသူ) အားဆက်လက် တာဝန်လွှဲအပ်ခဲ့ကြသည်။
သရာမိုးလိုသည် ကရင်အမျိုးသားတို့၏ ခုနှစ်သက္ကရာဇ်သည် နှစ်ပေါင်းမည်မျှရှိကြောင်းနှင့် ကရင်အမျိုးသားတို့၏ နှစ်သစ်ကူးနေ့သည် မည်သည့်နေ့၊လတွင် ဖြစ်ကြောင်း ဟူသည့် အချက်အလက်ပေါ်မူတည်၍ ရှာဖွေသုတေသနလုပ်ခဲ့ပြီး ပြန်လည်တင်ပြခဲ့သည်။ အရှေ့တိုင်းသမိုင်းသုတေသီကြီး နှစ်ဦးဖြစ်သော ဂျီ၊ အိပ်ခ်ျ၊ လူ့စ် (G.H. Luce) နှင့် ဂျီ၊အီး၊ဟာဗီ (G.E.Harvey) တို့၏ မှတ်တမ်းပြုချက်များအရ၄င်း၊ အမျိုးသား ပညာဝန်ဦးဖိုးကျားရေးသားသော မြန်မာရာဇ၀င်အရ၄င်း၊ ကရင်လူမျိုးများသည် မြန်မာနိုင်ငံသို့ ရှေ့ဦးစွာ ၀င်ရောက်လာခဲ့ကြသည်မှာ ဘီစီ ၇၃၉ခုနှစ်က ဖြစ်ကြောင်းသိရှိရပေသည်။
သို့ဖြစ်၍ သရာမိုးလိုက ကရင်သက္ကရာဇ်ကို ကရင်လူမျိုးတို့ မြန်မာနိုင်ငံသို့ ၀င်ရောက်လာခဲ့ကြသည့် ထိုနှစ်မှစ၍ ရေတွက်ရန် အဆိုပြုခဲ့သည်။ ယင်းအဆိုပြုချက်ကို အေဒီ ၁၉၃၆ခုနှစ်တွင် တင်သွင်းခဲ့ရာ ကရင် လူမျိုးများ မြန်မာနိုင်ငံသို့ စတင်ဝင်ရောက်လာခဲ့ကြသည့် ဘီစီ ၇၃၉ခုနှစ်မှစ၍ ရေတွက်သော် နှစ်ပေါင်း ၂၆၇၅-နှစ်ရှိပြီးဖြစ်သည်။ယခုမျက်မှောက်ခေတ် သက္ကရာဇ်နှင့် ရေတွက်သော် ၂၇၄၈-ခုနှစ် ရှိနေပြီးဖြစ်ပါသည်။
တောင်ငူရှိ သက်ကြီးဝါကြီးသူများ၏ သဘောတူညီသတ်မှတ်လိုက်သည့် နေ့၊ ရက် (သလေ)ထိုင်ခေါက်ဖိုးလဆန်းတစ်ရက်ကို ဥပဒေပြုအောက်လွှတ်တော်တွင် တင်သွင်းသည့်အဆိုကို စောဂျွန်ဒီဖိုးမင်း လက်မှတ်ရေးထိုး၍ အောက်လွှတ်တော် အစည်းအဝေးတွင် တင်သွင်းခဲ့သည်။ ၁၉၃၇-ခုနှစ် သြဂုတ်လ ၂၃-ရက်နေ့တွင် ကျင်းပပြုလုပ်သော ဥပဒေပြု အောက်လွှတ်တော် အစည်းအဝေးမှတ်တမ်းတင်ချက်အရ (Presented) ဟူ၍ မှတ်တမ်းတင်ထားသည်။
ယင်းကိစ္စနှင့်ပတ်သက်၍ အထက်လွှတ်တော်မှ ဆရာစံဘော်က ဆက်လက်ဦးဆောင်၍ ၀န်ကြီးစောဖေသာနှင့် ညှိနှိုင်းပြီး ဒေါက်တာ ဘမော် အစိုးရအဖွဲ့သို့တင်ပြ၍ အစိုးရ၏ သဘောတူညီချက်အရ ( Capinet Executive Power)ဖြင့် ဘုရင်ခံသို့ တင်ပြနိုင်၍ ဘုရင်ခံ၏ သဘောတူညီချက်ကြောင့် အစိုးရရုံးများနှင့် လွဲပြောင်းနိုင်သည်။
စာချုပ်စာတမ်းအက်ဥပဒေ(Ne-gotiable Instrument act.)အစိုးရ အသိအမှတ်ပြု ရုံးပိတ်ရက်အဖြစ် ရရှိခဲ့သည်။ အစိုးရ၏ ပထမဆုံးအသိအမှတ်ပြု ရုံးပိတ်ရက်မှာ ၁၉၃၈-ခုနှစ်၊ ဇန်န၀ါရီလ(၁)ရက်၊ (၁၂၉၉-ခုနှစ်၊ ပြာသိုလဆန်းတစ်ရက်နေ့ဖြစ်ပြီး ၄င်းနေ့တွင် ၀တ်လှုံတော်ရ ဆစ်ဒနီလူနီက အသံလွှင့် မိန့်ခွန်းပြောကြားခဲ့သည်။
၁၉၃၈-ခုနှစ်တွင် ပေါ်ပေါက်လာသည့် သာ့ပွါဖိုးလင်းတေး ပြုစုရေးဆွဲသည့် ကရင်အမျိုးသားပြက္ခဒိန်အရ တစ်နှစ်ပြည့်မြောက်၍ ၁၉၃၈-ခုနှစ်၊ ဒီဇင်ဘာလ (၂၁)ရက်နေ့တွင် ကျရောက်သည့် ကရင် နှစ်သစ်ကူးပွဲတော် တွင် ကရင်အမျိုးသားခေါင်းဆောင်ကြီး ငါးဦးဖြစ်ကြသော ဒေါက်တာစံစီဖိုး၊ မန်းရွှေဘ၊ မန်းလှဖေ၊ စောဆစ်ဒနီလူနီ နှင့် စောဖေသာတို့က သြ၀ါဒ သ၀ဏ်လွှာ ပေးပို့ခဲ့သည်။ (သ၀ဏ်လွှာ ပေးပို့သည့် နေ့စွဲမှာ သာ့ပွါဖိုးလင်းတေး၏ ပြက္ခဒိန်အရ ၁၉၃၈-ခုနှစ်တွင် နှစ်ကြိမ်ကျရောက်နေခြင်းကြောင့် ရက်အမှန်(၂၁.၁၂.၁၉၃၈)အစား (၂၁.၁၂.၁၉၃၉)ဟူ၍ ဖြစ်နေကြောင်းသတိပြုအပ်သည်။
မည်သို့ပင်ဆိုစေ ယနေ့ ကရင်အမျိုးသားထုတစ်ရပ်လုံးက သာရာမိုးလို၏ ရှာဖွေချမှတ်ပေးခဲ့သည့် ကရင်နှစ်သစ်ကူးနေ့ ဖြစ်သော သလေ လဆန်းတစ်ရက် ဟုအတည်ပြုထားသော ပြာသိုလဆန်း(၁)ရက် သို့မဟုတ် "ထိုင်ခေါက်ဖိုး "လဆန်းတစ်ရက်ကိုသာ ဆက်လက်အတည်ပြုလက်ခံနေကြကြောင်း တွေ့ရှိရပါသည်။ပထမလကို စကောကရင်ဘာသာဖြင့် သလေ၊ ပိုးကရင်ဘာသာဖြင့် ထိုင်ခေါက်ဖိုး ဟု ခေါ်သည်။

မူရင်း...http://www.zwegapin.com/

ကမ္ဘာပေါ်ရှိ တိုင်းရင်းသား လူမျိုးတိုင်းဝယ် အစဉ်တစိုက် လိုက်နာခဲ့ကြသော ဓလေ့ထုံးတမ်းများ ရှိကြပေသည်။
လူမျိုးတိုင်းသည် မိမိတို့ သက်ဆိုင်ရာ ဓလေ့ထုံးတမ်းများကို လေးစားလိုက်နာကြသည်။ လက်ဆင့်ကမ်း ကျင့်သုံးခဲ့ကြသည်။ ဆက်လက်ထိန်းသိမ်းခဲ့ကြသည်။

ထိုဓလေ့ထုံးတမ်းတို့သည် သက်ဆိုင်ရာ လူမျိုးတို့က လေးစားလိုက်နာကြသည့်အလျောက်၊ မဖျောက်ဖျက်၊ မကျူးလွန်ရဲသည့်အလျောက် ဥပဒေများပမာ ခိုင်မာလာကာ အာဏာသက်ဝင်ကြလေသည်။ အငြင်းပွါးမှုများကို ဖြေရှင်းရာတွင်လည်း နှစ်ဦးနှစ်ဖက် လက်ခံထားသော ဓလေ့ထုံးတမ်းများဖြစ်ကြသောကြောင့် စည်းမျဉ်းဥပဒေများသဖွယ် ကိုးကားလာခဲ့ကြသည်။ ထို့ကြောင့် ဓလေ့ထုံးတမ်း ဥပဒေ (Customary law) ဟူ၍ ပေါ်ပေါက်လာခဲ့ပေသည်။

ယနေ့ ကမ္ဘာပေါ်ရှိ နိုင်ငံများတွင် ကျင့်သုံးလျက်ရှိသော ဥပဒေများကို အကြမ်းမြည်းအားဖြင့် နှစ်မျိုးခွဲခြားနိူင်သည်။ ပြဋ္ဌာန်း ဥပဒေ (Statute law) နှင့် ဓလေ့ထုံးတမ်းဥပဒေ (Customary law) ဟူ၍ ဖြစ်သည်။ ယနေ့ လူမှုအဖွဲ့အစည်းများတွင် တိုးတက်လာမှုများနှင့်အညီ တိုးပွါးလာသော အရှုပ်အထွေးကို ဖြေရှင်းရန် ဥပဒေအသစ် (Statute law) များကို ပြဋ္ဌာန်းလာသလို ဓလေ့ထုံးတမ်း ဥပဒေ (Customary law) များကိုလည်း ပစ်ပယ်၍ မရ၊ ဆက်လက် ကျင့်သုံးရစမြဲ ဖြစ်သည်။

မည်သည့် ကြီးကျယ်မြင့်မြတ်သည့် လူမျိုးဖြစ်စေ၊ မိမိတို့ ဓလေ့ထုံးတမ်းကို ထိန်းသိမ်းလိုက်နာမြဲဖြစ်သည်။ မည်မျှပင် သေးနုပ်သော လူမျိုးဖြစ်စေ၊ မိမိတို့ ဓလေ့ထုံးတမ်းကို ပစ်ပယ်ဖျောက်ဖျက်ရိုး မရှိပေ။ ဓလေ့ထုံးတမ်းဟူသည် လူမျိုး၏ အသက်သွေးကြောပင် ဖြစ်သည်။ ဓလေ့ထထုံးတမ်းဥပဒေ (Custnmary law) ဟူသည် လူမျိုး၏ ၀ိညာဉ်ပင် ဖြစ်ပါသည်။
မြန်မာနိုင်ငံတွင်လည်း ကိုလိုနီဘ၀က အမွေရခဲ့သော Penal, Code, Code of Civil procedure, Evidence Act စသော အင်္ဂလပ် ဥပဒေအပြင် မြန်မာ ဗုဒ္ဓဘာသာ ဓလေ့ထုံးတမ်း ဥပဒေကို ကျင့်သုံးလျက် ရှိပေသည်။

ကရင်လူမျိုးတို့တွင်လည်း မည်သည့်လူမျိုးထက် မနိမ့်ကျသော ဓလေ့ထုံးတမ်းဥပဒေများ ပိုင်ဆိုင်ထားကြပါသည်။ ကရင်လူမျိုးတို့၏ ဓလေ့ထုံးတမ်းဥပဒေမှ လင်မယား ကွာရှင်းလိုမှုကို ဖြေရှင်းပေးသော ဖြတ်ထုံးမှာ စိတ်ဝင်စားစရာ ကောင်းလှပါသည်။
ကရင်လူမျိုးတို့၏ အိမ်ထောင်ရေးစနစ်မှာ တစ်လင် တစ်မယားစနစ်ပင် ဖြစ်ပါသည်။ လင်မယား ကွာရှင်းလိုမှု အလွန်နည်းပါးသည်။ တောင်ပေါ်ဒေသတွင် မရှိသလောက် ရှားသည်။ အချို့ဒေသများတွင် လင်မယားကွာရှင်းမှုကို ကျေးရွာလူကြီးများက လုံးဝ ကွာရှင်းခွင့်မပြုချေ။တစ်ဖက်သတ် ကွာရှင်းလိုမှုကိုလည်း ကျေးရွာလူကြီးများက အားမပေးကြချေ။
လင်မယားကွာရှင်းခြင်းသည် ကရင်လူနေမှုစနစ်တွင် မလိုအပ်သော ကိစ္စဟု မှတ်ယူကြသည်။အကြောင်း အမျိုးမျိုးကြောင့် မလွှဲရှောင်သာသော အခြေအနေမျိုးနှင့် ကြုံကြိုက်လာပါမှ ရပ်ရွာအကြီးအကဲများက ကွာရှင်း
ရေးကို ဆောင်ရွက်ပေးလေ့ရှိသည်။ လင်ကွာ၊မယားကွာမှုများတွင် နှစ်ဦးနှစ်ဖက်စလုံး ကွာရှင်းလိုကြောင်း အကြိမ်ကြိမ်တင်ပြလာလျှင် ရပ်ရွာအကြီးအကဲများက ကွာရှင်းပေးသည်။

သို့သော် ရပ်ရွာအကြီးအကဲတို့သည် လင်မယားနှစ်ဦးအား ကွာရှင်းပေးခြင်းမှ ရှောင်ရှားကြသည်။ ရွာအကြီးအကဲက ဖျောင်းဖျပြောဆိုသော်လည်း မရသည့်အခါမျိုးတွင် ကွာရှင်းလိုသော လင်းမယားအား မိမိတို့နေအိမ်တွင် ခုနှစ်ရက်ပတ်လုံး တစ်ခန်းထဲတွင် အတူနေစေပြီး နေ့စဉ် ထမင်းလက်ဆုံ စားစေသည်။
ခုနှစ်ရက်မြောက်သော် ကွာရှင်းလိုကြသေးလျှင် ရွာအကြီးအကဲက လူသိရှင်ကြား ကွာရှင်းပေးသည်။
ထိုသို့ နှစ်ဦးနှစ်ဖက်စလုံး သဘောတူ ကွာရှင်းပေးပြီးပါက ပစ္စည်းများကို အမျိုးအမည် အတန်းအစား ခွဲခြားခြင်းမရှိဘဲ စုပေါင်း၍ အညီအမျှ ခွဲဝေပေးသည်။ အိမ်ထောင်ပစ္စည်းများကို ခန်းဝင်ပစ္စည်း၊ နှစ်ပါးစုံလက်ထက်ပွါး၊ ပါရင်း စသည်ဖြင့် ပိုင်းခြားသတ်မှတ်ပြီး ယူသင့်သူအား ယူစေသည့် သဘောမျိုးမရှိချေ။

သားငယ်၊သမီးငယ်များကို မိခင်နောက် လိုက်ပါစေ၍ သားကြီး၊သမီးကြီးများကို ဆန္ဒအလျောက် ရွေးချယ်ပိုင်ခွင့်ပေးသည်။
အထက်ပါစီရင်ထုံးကိုလေ့လာကြည့်လျှင် ကရင်လူမျိုးတို့၏ ချစ်စရာကောင်းလှသော စိတ်နေသဘောထားကို တွေ့မြင်နုိုင်မည်ဖြစ်သည်။ `ငယ်ကအချစ် အနှစ်တစ်ရာ မမေ့သာ´`ငယ်ကပေါင်း နှစ်တစ်သောင်း မမေ့ကောင်း´ ဆိုသကဲ့သို့ပင် ကွာရှင်းလိုသော လင်မယားအား တစ်ခန်းတည်းအတူထား၍ ထမင်းလက်ဆုံ ခုနှစ်ရက် စားစေခြင်းဖြင့် ရရှိလာမည့်ရလဒ်မှာ ကွာရှင်းခြင်းထက် ပြန်လည်သင့်မြတ်ခြင်းသို့သာ ဦးတည်နေမည်မှာ မလွှဲပေ။ရှေးကရင်လူကြီးများ၏ ပညားသားပါလှသောဖြေရှင်းပုံနှင့် တစ်လင်တစ်မယားစနစ်ကိုသာ ကျင့်သုံးစေပုံမှာ ချီးကျူးဖွယ်ဖြစ်သည်။

ကွာရှင်းပြီးလင်မယား၏ ပစ္စည်းခွဲဝေပုံမှာလည်း လိင်ခွဲခြားခြင်းမရှိ၊ လင်နှင့်မယား အညီအမျှထားရှိသော ကရင်လူမျိုးတို့၏ စိတ်သဘောထားများ၊ ထင်ဟပ်လျက်ရှိပေသည်။သားသမီးများကို ခွဲဝေပုံမှာလည်း အခြားယဉ်ကျေးမှုမြင့်မားသောလူမျိုးများနည်းတူ အမြော်အမြင်ကြီးစွာဖြင့် ကလေးငယ်ကို ပိုမိုဂရုစိုက် စောင့်ရှောက်နိုင်မည့် မိခင်ထံ လိုက်ပါစေသည်။ အသက်အရွယ်ရပြီး သား၊သမီးများကို စိတ်ဆန္ဒအတိုင်း လွတ်လပ်ခွင့်ပေးခြင်းမှာလည်း နိုင်ငံတကာဥပဒေများ အဆင့်မီသည်ကို တွေ့ရသည်။
ထို့ကြောင့် ကရင်ဓလေ့ထုံးတမ်းဥပဒေမှ အပြုသဘောဆောင်သော၊ တစ်လင်တစ်မယားစနစ်ကိုသာ အားပေးသော၊ လိင်ခွဲခြားခြင်းမရှိသော၊ အမြော်အမြင်ကြီး၍ အဆင့်အတန်းမြင့်လှသော လင်မယားကွာရှင်းမှု
ကရင့်ရိုးရာ ဖြတ်ထုံးတစ်ခုကို လေးစားစွာ မှတ်တမ်းတင်အပ်ပါသည်။

ကိုးကား---
၁။တိုင်းရင်းသားယဉ်ကျေးမှုရေးရာဓလေ့ထုံးစံများ(ကရင်) မြန်မာ့ဆိုရှယ်လစ်လမ်းစဉ်ပါတီ၊
၂။ကရင်ရိုးရာ သုတပဒေသာ(မန်းလင်းမြတ်ကျော်)။

စကျော်မျိုးအောင်(ဥပဒေ)
၂၇၄၉-ခုနှစ်၊ကရင်နှစ်သစ်ကူးပွဲတော်၊ ကရင့်ကြေးမုံမှ။